सेवानिवृत्ती

• सेवानिवृत्ती

होली क्रॉस शाळेचे जेष्ठ शिक्षक  आॅस्कर डिमेलो सर हे दिनांक 30/09/2017 रोजी 27 वर्षे 3 महिने अध्यापनाचे कार्य करुन सेवानिवृत्त  होत आहेत..

        तुटलेली फुले सुगंध देऊन जातात
        
                गेलेले क्षण आठवणी देऊन जातात
             
               प्रत्येकाचे अंदाज हे वेगवेगळे असतात

               म्हणूनच काही माणसे आयुष्यभर लक्षात राहतात

   असचं एक लक्षात राहण्यासारखे व्यक्तिमत्व म्हणजे आॅस्कर सर की ज्यांनी शाळा म्हणजे आपले कुुटुंब समजून मुलांना  घडवण्याचा प्रयत्न केला. गेली 27 वर्षे 3 महिने त्यांनी निस्वार्थी ,प्रामाणिकपणे आणि आत्मियतेने  होली क्रॉस शाळेची सेवा केली .आज ते आपल्या सेवेतून निवृत्त होत आहेत ,सेवानिवृत्ती ही निवृत्ती नसतेच मुळी तर ती असते आवृत्ती ,नव्या जीवनाची ,नव्या वाटचालीची .सर आजपासून नव्या जीवनाच्या आवृत्तीस सुरवात करणार आहेत .
      आॅस्कर सर म्हणजे नावाप्रमाणे आॅस्कर असलेले ,शांत ,,मनमिळावू ,ज्ञानी ,वक्तशीर आणि स्वच्छता प्रिय .
सर आपल्या होली क्रॉस शाळेत 11 जुन 1990 साली रुजू झाले आणि 27 वर्षाची प्रदिर्घ सेवा करून होली क्रॉस संस्थेतून  निवृत्त होत आहेत

सरांचा स्वभाव शांत त्यामुळे ते कधी मुलांवर रागवत नसत किंबहुना  सरांना कधी आपल्या सहकारी शिक्षकांवर  रागावलेले मी कधी पाहिले नाही
गणित व सायन्स हे विषय सरांचे आवडते . आपला विषय अगदी सोप्या पध्दतीने शिकवण्यात सरांचा हातखंडा . गणितातील समिकरणे , सुत्रे ,प्रमेय  सामान्य विद्धार्थांना  पटकन समजत  त्यामुळे त्यांची  गणिताविषयाची भीती नाहीशी होत असे  त्यामुळेच आॉस्कर सर विद्धार्थी प्रिय  झाले होते . आणी यामुळेच  शालेय परिसरात विद्धार्थांचा गराडा नेहमीच त्यांच्या भोवती पडलेला असे ...
 .

  सर  आयुष्याच्या या पायरीवर
तुमच्या नव्या जगातील नव्या स्वप्नाना  बहर येऊ दे

तुमच्या इच्छा-आकांक्षा उंचउंच भरारी घेऊ दे

मनाच्या आमच्या एकच इच्छा

आपणांस उदंड ,निरोगी आयुष्य लाभू दे !
हीच त्या विधात्याकडे प्रार्थना  ........